Aron Brun

Aron Brun

* 07.03.2002
† 03.05.2021 in Hüntwangen
Erstellt von Kristina Brun
Angelegt am 10.05.2021
14.664 Besuche

Neueste Einträge (61)

Gedenkkerze

DIS MAMI

Entzündet am 10.11.2022 um 17:20 Uhr

Min allerliäbschte Buäb da obe im Himmel. Ich vermisse dich so sehr. Ich g’spüre immer no die allerletschti feschti Umarmig vo dir, will ich die Erinnerig immer wieder fürehole i min Chopf, sie durläbe, damit die Wärmi, die Nöchi, de G’ruch sich nöd verflüchtiget. Mer seid zwar immer, «Ziit heilt Wunde», aber so e Wunde chan kei Ziit heile. Sie bliebt ununterbroche genau so gross, aber d’Ablänkig und s’Läbe versuäche wieterläbe, sodass es wieder g’füllt wird mit schöne Momänt und Erläbnis hilft. Es git kein Tag, wo ich nöd a dich dänke, aber ich erlaube es nüme immer, dass es mich aberisst und dänn schrecklich truurig macht. Ich weiss, dass es genau das isch, was du au willsch. Aron, miär läbet alli euisi Läbe wieter, aber es wird nie mee so sii, wie es g’si isch. Und trotzdem bin ich sooooo dankbar, dass es dich i mim Läbe gee hät, dass ich so vill han dörfe mit dir erläbe, dass du miär dini schöni Siite vom Läbe zeiget häsch, vor allem aber, dass du immer voller Läbe g’si bisch, du Fidibus! Ich schicke dir ganz e feschti Umarmig ufe in Himmel und hoffe, dass es dir guät gaht. Für immer i mim Herze und fescht bi miär. Ich liäbe dich!

Gedenkkerze

Für dis Mamii

Entzündet am 08.10.2022 um 20:33 Uhr

Es lüchtens Cherzli für dis Mami. Ha das au erfahre. Tuet emmer no sehr weh. Ond es Cherzli för dech Aron, es söll ganz fescht lüchte.

Gedenkkerze

WIEDER DIS MAMI

Entzündet am 04.10.2022 um 20:33 Uhr

Schatz... s'Läbe isch so rational... ich bin so rational... de Tod, din Tod isch so irrational... ich kriäge das nöd i min Chopf ine... ich weiss, de Tod g'hört zum Läbe wie jedi Geburt... aber ich bechume das bi diär eifach nöd uf d'Reihe, das z'akzpetiere... ich han no alli G'fühl so präsent vo dinere Geburt, vo dinere Chindheit, vo dinere Jugend... de Tod passt da nöd ine... no so vill hättisch du chöne erläbe, au wänn mer sich i dim Alter hüt muän fröge, was hät das Läbe no für eui so parat... villicht häsch es besser als dini Fründinne und Fründe da une... trotzdem... egal wie das Läbe grad stattfindet und wird si, ich chan's nüme mit dir teile... ich vermisse dich sooooo! Ja, alli säged, ich bin starch und wänn es öppers schafft, dänn ich, aber i mim tüüfschte Innere g'seht niämerd... die tüscht-truurige G'fühl will ich auch niemerdem aatuee... Schatz, ich läbe wieter für dini G'schwüscherti... ich glaube, es gaht ihne guät, ich weiss aber au, sie vermissed ihre grosse Brüäder! Warum, Aron, warum hät es so wiet muässe choo???? Ich laa dich jetzt, ich weiss, ich kriäege kei Antworte... ich fühle mich dir immer verbunde... ich weiss, dur jedi Wulche, wo da obe a miär verbii lauft, lächlichsch du abe und jede Stern, wo am Himmel erlüchtetet isch es Zeiche a mich... ich liäbe dich und versuäche starch z'sii...  DIS DICH UNÄNDLICH VERMISSENDE MAMI....!!!!

Gedenkkerze

VERMISSE DICH

Entzündet am 03.10.2022 um 18:42 Uhr

Min Aronbueb... ja, es isch grad so schwer, dich nöd z'vermisse... weiss nöd wieso, es überrollt mich grad wieder mit sonere Wucht... chan's nöd ufhebe, chan mich fascht nöd ablänke, versuäche starch z'si, aber es gaht nöd... ich wünschti miär mängisch so en Chnopf, wo das eifach abstellt die Sehnsucht, dich läbendig vor miär z'ha, dich vor allem ganz, ganz, ganz, ganz fescht z'hebe und z'umarme... dich z'schmöcke, dis Lache z'empfange, mit diär z'rede... stattdesse g'seh ich überall uf die schöne Fotene, die schöne Erinnerige mit diär und es isch eifach alles nume zweidimensional... ich streichle über d'Fotene und hoffe, dass es bi dir a obe aachunnt... wänn ich dir da schriebe, dänn fühle ich e Verbindig, e Leitig zu dir da obe, wo mini Gedanke aachömed... ich weiss, du willsch nöd, dass ich truurig bin, ich weiss, du häsch das alles au nöd so wölle... ich fröge mich mängisch, ob, wänn Corona nie g'si wär, alles andersch usescho wär... ich weiss, es git kei Antworte, will ich kei Frage me stelle chan. Mach's guät da obe... ich vermisse und liäbe dich unändlich! DIS MAMI

Gedenkkerze

DIS MAMI

Entzündet am 28.09.2022 um 17:30 Uhr

Schatz, ich weiss, du dänksch hüt a mich und ich au ganz fescht a dich!!! Nöd nur hüt, IMMER… Bin grad wahnsinnig truurig, dass du nöd bi miär bisch und ich dich g‘spüre dörf. Au wänn s‘Läbe wietergaht, du fehlsch miär sooooooooooooooooooooooooooooooooooooooooooooooo! Ich liäbe dich unändlich, nimm dich und s‘Dich-Vermisse a jede Ort mit, wo ich hiigaa… i mim Härz isch immer no en Drittel für dich reserviert und am Schlaa…. Es isch eifach soooo truurig, dass du nüme da bisch, dass miär s‘Läbe nüme chönd teile mitenand… mach‘s guät da obe, wo immer mee liäbi Mänsche zu dir stossed, mit dene du es sicher uh guät häsch. Dis dich unändlich vermissende Mami ❤️❤️❤️

Weitere laden...